সমকাম

কোকিল শইকীয়া

 

পকেটত হাত ভৰাই

দেশ কালৰ তৰংগ জপ কৰি থাকোতে

এটা কথা ক’বলৈকে থাকি গ’ল

 

 

‘মোৰ শৰীৰ মোৰ অধিকাৰ’

কথাষাৰ তেনেই মিছা

আৰু ফৰাচী কবিতাবোৰৰ দৰেই জটিল

 

বননিত বতাহ ব’লে

বাঁহগছত বতাহ ব’লে

শৰীৰত বতাহ ব’লে

বৰষুণৰ ৰাতি খিৰিকীৰে পেচাব কৰোঁতে বতাহ ব’লে

 

 

পাৰিবানে তুমি বতাহ বলাই দিব

ৰামধেনু কামধেনু

 

মোৰ শৰীৰ মোৰ অধিকাৰ

কথাষাৰ তেনেই মিছা

 

বতাহ বলে

প্ৰেম প্ৰকৃতি শৰীৰ

এটা কথা ক’বলৈকে থাকি গ’ল